अनबॉक्स काय आहे?

• अनबॉक्समध्ये मुलांसाठी दर आठवड्यात एक याप्रमाणे ४० ॲक्टिव्हिटीज् आहेत, ज्या मुलांना स्वतंत्रपणाने विचार करण्यास प्रोत्साहित करतात. अनबॉक्स शिकवण्याकरता नसून शिकण्याकरता आहे.

• अनबॉक्सनी आवश्यक ती साधनं दिली आहेतच, पण त्यातील कुठल्याही साधनावर अनबॉक्सचा मालकी हक्क नाही. बाजारात सहज विकत मिळतील असेच सारे मटेरियल यात वापरले आहे. त्यामुळे एखादे साधन संपले, तुटले किंवा हरवले तरी थांबायचे कारण नाही. बाजारात जाऊन आणू शकू अशा वस्तूच साधनं म्हणून आम्ही वापरली आहेत.

• ॲक्टिव्हिटिज् साठीचं साहित्य वापरताना मुलांना सहजता आणि साधेपणा वाटावा म्हणून हे साहित्य हातांनीच बनवलेलं आहे.

• मुलांनी क्राफ्टमध्ये गुंतू नये म्हणून काही गोष्टी मुद्दाम तयार करूनच दिल्या आहेत. अशा ॲक्टिव्हिटीज् मध्ये हस्तकौशल्यापेक्षा विचारांना अधिक महत्त्व असणार आहे.

• ॲक्टिव्हिटीज् मधून काही कलाकृती निर्माण होतीलच असे अजिबात नाही. ही मुलांची व्यक्त होण्याची जागा आहे.

 

ॲपमध्ये काय आणि ते कसे वापरावे?

• ॲप पालक आणि अनबॉक्स यांच्यामधील संवादाचे साधनमात्र आहे.

• ॲक्टिव्हिटीज् करण्यासाठी असलेला इन्स्ट्रक्शन ऑडिओ हा फक्त मुलांसाठीच आहे. मुलांनी काय करायचे आहे हे त्यात सुचवले आहे. यातून पालकांनी त्यांच्या समजुतीप्रमाणे अर्थ काढून मुलांपर्यंत पोहोचवणे अपेक्षित नाही. मुले आपल्या आकलनानुसार ॲक्टिव्हिटीज् करतील यावर विश्वास असायला हवा.

• केलेल्या कामात रमण्यासाठी, त्यातून होणाऱ्या स्वयंशिक्षणासाठी, त्याकडे वेगवेगळ्या दृष्टीकोनातून बघून वेगवेगळे परिणाम साधण्यासाठी अनबॉक्सनं दोन ॲक्टिव्हिटीज् च्या मध्ये विशिष्ट कालावधी ठेवलेला आहे. अनबॉक्सने काही विशिष्ट कामांसाठीच तंत्रज्ञानाची मदत घेतली आहे. जसे, ऑडिओ सूचना मुलांपर्यंत पोहोचवण्यासाठी, दोन ॲक्टिव्हिटीज् मधला कालावधी पाळला जाण्यासाठी, मुलांचे काम अपलोड करण्यासाठी आणि ॲक्टिव्हिटीज् विषयीचे पॉझिटिव्ह अप्रेझल पालकांपर्यंत पोहोचवण्यासाठी. याव्यतिरिक्त, मुलांची कुठलीही ॲक्टिव्हिटी तंत्रज्ञानावर अवलंबून नाही. ॲप केवळ आणि केवळ पालकांसाठीच आहे.

• मुलांच्या कामांचे फोटो आणि व्हिडीओज् काढून अपलोड करण्याची सोय ॲपमध्ये आहे. तसेच हे अपलोड केल्यानंतर त्या ॲक्टिव्हिटीचे लर्निंग आऊटकम तुमच्या ॲपवरून ऐकायला आणि वाचायला मिळेल.